ڕزوان سیدۆ ئەندامێکی نووسینگەی یاساییی ئەنجومەنی نیشتمانیی کوردی سووریا لە گفتوگۆ لەگەڵ کوردپرێسدا بە ئاماژەدا بە دوورنواڕی پرسی گفتوگۆ لەنێوان ئەنجومەنی نیشتمانیی کورد (ENKS) و حزبەکانی یەکێتیی نیشتمانیی کورد (PYNK)، ڕایگەیاند: دانوستانی کوردی-کوردی ڕاگیراوە و پاش ئەوەی نوێنەری ئەمریکا لە دانوستانەکان گۆڕدرا، بە چەشنێک سستی لە ئیرادەی ئەمریکییەکاندا بۆ گفتوگۆکان دەبینرێت.

ناوبراو درێژەی دا: پەیەدە دەیهەوێت هەلێک بۆ سەپاندنی هێژمۆنیی خۆی لەنێو دانوستانەکاندا بدۆزێتەوە.

ڕزوان سیدۆ وتیشی: دەبینین کە لایەنگرانی پەیەدە ئاگر لە نووسینگەکانی ئەنجومەنی نیشتمانی بەدەدەن و کەسانی نزیک لە ئەنەکەسە دەستگیر دەکەن.

ناوبراو ڕاشیگەیاند: پەیەدە بەرپرسی ڕاگیرانی گفتوگۆکانی کوردی-کوردیە بەڵام ئەنەکەسە هەمیشە بڕوای بە دانوستاندن هەیە. هیوادارین ئەم گفتوگۆیانە بگەنە ئەنجام تاکوو بەرژەوەندیی گەلی کوردی سووریا مسۆگەر بکرێت.