تورکیا زرگان و حەسەکە بۆردوومان دەکات/ سێ کوژراو و هەشت برینداری لێکەوتەوە
پوختەی هەواڵ
بەشی تورکیا- بەهۆی بۆردوومانی زرگان و حەسەکە لەلایەن تورکیاوە 3 هاووڵاتیی مەدەنی کوژران و 8 کەسی دیکە لەوان سێ سەربازی سووری بریندار بوون.
بەپێی هەواڵی کوردپرێس، سوپای تورکیا و گرووپە چەکدارییەکانی ئۆپۆزسیۆنی سووریا ئەمشەو چەند جارێک سنووری ناحیەی سەرێکانی و گوندەکانی جمعە، ئوم ئەلکیف و تل کربیتیان لە باکووری پارێزگای حەسەکە لە کوردستانی سووریا تۆپباران کرد.
بەهۆی بەردەوامیی بۆردوومانەکان بەشێک لە دانیشتوانی گوندەکان ناچاربوون ماڵەکانیان چۆڵ بکەن و بەرەو ناوچە ئارامەکان کۆچیان کردووە.
بەگوێرەی ئەو هەواڵەی میرزۆپتامیا بڵاوی کردۆتەوە لە هێرشە ئاسمانییەکەی تورکیا سێ هاووڵاتیی مەدەنی گیانیان لەدەست داوە و سێ منداڵیش لە یەک خانەوادە بریندار بوون.
بۆچوونی بەکارهێنەران