ئەمریكا پشتیوانی خۆی بۆ چارەسەركردنی كێشەكانی نێوان هەرێم و بەغدا راگەیاند
پوختەی هەواڵ
کوردپرێس:
ڕۆژی چوارشەمە 8ی دیسەمبێری 2021 ڕاگەیاندنی وەزارەتی پێشمەرگە بڵاوی كردەوە، ئەمڕۆ، فەریق جەبار یاوەر، ئەمینداری گشتیی وەزارەتی پێشمەرگە، پێشوازی کرد لە سپێنسەر فێڵدس، سەرۆکی کاروباری سیاسی تیمێکی باڵای دیبلۆماسی و سەربازی کونسوڵخانەی ئەمریکا.
وەك لە ڕاگەیەندراوەكەی وەزارەتی پێشمەرگەدا هاتووە، ئەمینداری گشتیی وەزارەتی پێشمەرگە جەختیكردووەتەوە، كە بهردهوامی له پاڵپشتی و هاوكاری هێزهكانی پێشمهرگه لەلایەن ئەمریكاوە، ئاراستهی سهركهوتنهكانی پێشمەرگە تۆكمهتر دهكات.
لە بەرامبەردا، سهرۆكی کاروباری سیاسی لهكونسوڵخانهی ئهمریكا لهههولێر، ئاشكرای كرد، هەماهەنگی و کاری هاوبەش و پێکەوەیی هەمووان، دهرئهنجامهكهی بهردهوامی دان دهبێت، بهپشتگیری و پشتیوانی و هاوكاری و یارمهتیهكانمان بۆ حكومهت و هێزی پێشمهرگهی كوردستان.
هەروەها وتیشی: دهمانهوێ له میانی كاری داهاتووماندا، فاكتهرێكی گرنگی نێوان ههولێر و بهغدا بین له بهرهو پێشبردنی پهیوهندییهكان و چارهسهركردنی كێشهكانی نێوان ههردوولا.
بۆچوونی بەکارهێنەران