مەسروور بارزانی لەگەڵ ئەمینداری گشتیی کۆمکاری عەرەبی کۆ دەبێتەوە
پوختەی هەواڵ
بەشی عێراق و هەرێمی کوردستان- مەسروور بارزانی سەرۆکی حکوومەتی هەرێمی کوردستان لەگەڵ ئەحمەد ئەبوو غەیت ئەمینداری گشتیی کۆمکاری عەرەبی کۆ بووەوە.
بەپێی هەواڵی کوردپرێس، ئەمڕۆ شەممە 20ی نۆڤێمبەری 2021 دۆخی عێراق دوای هەڵبژاردنی ئەنجومەنی نوێنەران و پەیوەندی کۆمکاری عەرەبی و هەرێمی کوردستان لە کۆبوونەوەی نێوان مەسروور بارزانی و ئەمینداری گشتیی کۆمکاری عەرەبی تاووتوێ کرا.
لە کۆبوونەوەکەدا جەخت لە گرنگیی هاریکاری و هەماهەنگیی بۆ ڕووبەڕووبوونەوەی کێشە و ئاستەنگە هەرێمییەکان کرا.
بڕیارە هەر ئەمڕۆ مەسرور بارزانی سەرۆکی حکومەتی هەرێمی کوردستان، بە جیا لەگەڵ لۆید ئۆستن، وەزیری بەرگریی ئەمەریکا و برێت مەکگۆرک، رێکخەری کاروباری رۆژهەڵاتی ناوەڕاست لە کۆشکی سپی کۆببێتەوە.
بۆچوونی بەکارهێنەران