هۆشیار زێباری لەگەڵ هادی عامری دیداری کرد
پوختەی هەواڵ
بەشی عێراق و هەرێمی کوردستان- هۆشیار زێباری ئەندامی باڵای پارتی دیموکراتی کوردستان بە سەرۆکایەتیی شاندێکی باڵای حیزبەکەی سەردانی بەغدای کردووە و لەگەڵ سەرۆکی هاوپەیمانیی فەتح هادی عامری دیدار و گفتوگۆی کرد.
کوردپرێس:
نووسینگەی هادی عامری بەیاننامەیێکی بڵاو کردەوە و تێیدا ڕایگەیاند هۆشیار زێباری لەگەڵ سەرۆکی هاوپەیمانیی فەتح دیداری کردووە و لە کۆبوونەوەکەیاندا باسی هاوپەیمانیی سیاسیی داهاتوو و هەروەها پێشهاتە سیاسییەکانی عێراق و بەتایبەت باسی ساختەکاری لە هەڵبژاردنەکان و خۆپیشاندانی ناڕەزایی دژی دزینی دەنگەکان و دەسکاری کردنی دەنگ باس و ڕاگۆڕینەوەیان کرد.
شایانی باسە هۆشیار زێباری ڕۆژی پێنجشەمەش لەگەڵ موقتەدا سەدر سەرۆکی جووڵانەوەی سەدر دیداری کردبوو و لە کۆبوونەوەکەیاندا باسی هاوپەیمانی کردن و پێشهاتە سیاسییەکانی داهاتووی عێراقیان کردبوو.
بۆچوونی بەکارهێنەران