مەسروور بارزانی و مستەفا کازمی پەیوەندییەکی تەلەفۆنییان لەبارەی دۆخی کەرکووک ئەنجامدا
پوختەی هەواڵ
بەشی عێراق و هەرێمی کوردستان- سەرۆکی حکوومەتی هەرێمی کوردستان و سەرۆک وەزیرانی فیدراڵ پەیوەندییەکی تەلەفۆنییان ئەنجامدا و سەبارەت بەبابەتی کەرکووک گفتووگۆیان کرد.
بەپێی هەواڵی کوردپرێس، ئەمڕۆ چوارشەممە 13ـی ئۆکتۆبەری 2021 مەسروور بارزانی سەرۆکی حکوومەتی هەرێمی کوردستان و مستەفا کازمی سەرۆک وەزیرانی فیدراڵ، پەیوەندییەکی تەلەفۆنیان ئەنجامدا و تاوتووێی بارودۆخی کەرکووکیان کرد.
لە پەیوەندییەکەدا، سەرۆکی حکوومەتی هەرێم و سەرۆک وەزیرانی عێراق، هاوڕابوون لە سەر ئەوەی نابێت ڕێگە بە هیچ کەس و لایەنێک بدرێت، کە ئاژاوە و پشێوی دروست بكەن و زیان بە دانیشتووان و موڵک و ماڵی گشتی بگات، بۆیە پێویستە بە زووترین کات، کۆتایی بەو دۆخە ئەمنییە نەخوازراوە بهێنرێت کە لە کەرکووک دروستکراوە.
بۆچوونی بەکارهێنەران