وەزارەتی پێشمەرگەی هەرێم: پەکەکە لە زینی وەرتێ بۆمبی داناوە
پوختەی هەواڵ
بەشی عێراق و هەرێمی کوردستان- وەزارەتی پێشمەرگەی هەرێم ڕایگەیاند، هێزەکانی پێشمەرگە بۆمبێکی چێنراویان لە زینی وەرتێ پوچەڵ کردەوە، دەشڵێت، هەموو گریمانەکان بەو ئاڕاستەیەن کە پەکەکە بۆمبەکەی دانابێت.
بەپێی هەواڵی کوردپرێس، لە ڕاگەیەنراوێکدا وەزارەتی پێشمەرگەی هەرێم ڕایگەیاند، ۲۱ ی ئابی ۲۰۲۱، بەشی ئەندازیاری سەربازی هێزەکانی پشتیوانی یەکی بە وەزارەتی پێشمەرگە، لە سنووری لیوای ۷ پیادەی وەزارەتی پێشمەرگە لە زینوی وەرتێ توانیان جلیکانەیەکی ۲٥ لیتریی TNT، کە دوو چەشنەی کارەبایی لێبەستراوە و ۲۹ مەتر فتیلی کۆرنێکسیان پێوە نووساندوە و بۆ تەقینەوە ئامادەکرابوو پووچەڵ بکەنەوە.
ئاماژەی بەوەش کردووە، بەپێی لێکۆڵینەوە سەرەتاییەکان، هەموو گریمانەکان بەو ئاراستەیەن، کە هێزەکانی پەکەکە ئەو بۆمبەیان دانابێتەوە.
کۆدی هەواڵنێر: 60113
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران