سەرۆک وەزیرانی هەرێمی کوردستان پێشوازی لە سەرۆکوەزیرانی راسپێردراوی عێراق کرد
پوختەی هەواڵ
پێشنیوەڕۆی ئەمڕۆ شەممە، ۰۲ـی ئایاری ۲۰۲۶، مەسرور بارزانی، سەرۆکی حکوومەتی هەرێمی کوردستان، لە فڕۆکەخانەی نێودەوڵەتیی هەولێر پێشوازی لە عەلی فالح زەیدی، سەرۆکوەزیرانی راسپێردراوی عێراق کرد.
بەپێی هەواڵی کوردپرێس، عەلی زەیدی بە یاوەری شاندێکی چوارچێوەی هەماهەنگی چووەتە هەولێر و بڕیارە بە جیا لەگەڵ هەر یەکە لە سەرۆک بارزانی؛ نێچیرڤان بارزانی، سەرۆکی هەرێمی کوردستان و سەرۆکوەزیران مەسرور بارزانی کۆ ببێتەوە.
شاندەکەی چوارچێوەی هەماهەنگی کە یاوەریی عەلی زەیدین:
- موحسین مەندەلاوی، سەرۆکی هاوپەیمانیی "ئەساس".
- عەبدولحسێن موسەوی، سەرۆکی هاوپەیمانیی "نەهجی وەتەنی".
- فالح فەیاز، سەرۆکی دەستەی حەشدی شەعبی.
- عەباس عامری، ئەمینداری چوارچێوەی هەماهەنگی.
بۆچوونی بەکارهێنەران