شاندێکی کورد بەشداری لە کۆبوونەوەیەکی پەرلەمانی ئەورووپا دەکات
پوختەی هەواڵ
بڕیارە رۆژی چوار شەممە شاندێکی کوردی لە سووریاوە بەشداری لە کۆبوونەوەیەکی پەرلەمانی ئەورووپادا لە برۆکسلی پایتەختی بەلجیکا بکەن.
بەپێی هەواڵی کوردپرێس، ئیلهام ئەحمەد، بە نوێنەرایەتی ئیدارەی خۆسەر و رۆهلات عەفرین، فەرماندەی گشتی یەکینەکانی پاراستنی ژنان (یەپەژە)، دوو کەسایەتی دیاری کوردستانی سووریا بەمەبەستی قسەکردن لە پەرلەمانی ئەورووپا گەشت بۆ برۆکسل دەکەن و بەشداری گفتوگۆکان لەسەر دۆخی مرۆیی و سیاسی ناوچەکە دەکەن.
بە گوێرەی هەوالێکی "میدیا هەبەر" جگە لەو هێرشانەی كە گرووپەكانی حكوومەتی كاتی سووریا دژی ناوچەکانی ژێر دەسەڵاتی هەسەدە كردویانە، پرۆسەی ئاشتی و كۆمەڵگەی دیموكراتی توركیاش تاوتوێدەكرێت.
بەپێی زانیارییەكان، كۆبوونەوەكە لە ژووری سپینێلی لە نێوان كاتژمێر ۴:۰۰ بۆ ۵:۰۰ی پاشنیوەڕۆ بەكاتی ناوخۆیی ئەورووپا لە چوارشەممەی داهاتوو لە برۆكسل بەڕێوەدەچێت.
#کوردپرێس
#ڕۆژئاوا
#بەلجیکا
#ئیلهام ئەحمەد
#برۆکسل
#یەکێتیی ئەورووپا
#پەرلەمانی ئەورووپا
#شاندی کورد
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران