شەڕ لەنێوان هێزەکانی حکوومەتی سووریا و درووزییەکان ڕوویدا
پوختەی هەواڵ
لە گوندەکانی ڕۆژئاوای سوەیدا، لە نێوان پارێزەرانی نیشتمانی درووزییەکان و چەکدارەکانی حکوومەتی دیمەشق پێکدادانی سەربازی ڕوویدا.
بەپێی هەواڵی کوردپرێس، ئاژاسنی هاوار نیوز بڵاوی کردەوە: هێزەکانی حکوومەتی کاتیی دیمەشق ئاگربەستیان لە سوەیدا پێشێل کردووە و لە ئەنجامدا شەڕ و پێکدادان لە نێوان پارێزەرانی نیشتمانی درووزییەکان و چەکدارانی حکوومەتی کاتیی لە گوندەکانی ڕۆژئاوای سوەیدا ڕوویداوە.
بەپێی زانیارییەکان، هێزەکانی حکوومەت بەرەو شارۆچکەکانی عەتیل و سەلیم لە ڕۆژئاوای شاری سوەیدا ڕۆیشتوون، لە ئەنجامدا پێکدادان و ئاڵۆزی لە نێوان پارێزەرانی نیشتمانی درووزییەکان و هێزەکانی حکوومەتی کاتیی سووریادا ڕوویداوە.
تا ئێستا زیانەکانى ئەو پێکدادانەى ئەمڕۆی نێوان هەردوولا ئاشکرا نەکراوە و شەڕیش بەردەوامە.
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران