باخچەلی: ئازادکردنی دەمیرتاش لە بەرژەوەندیی تورکیایە

پوختەی هەواڵ

سەرۆکی پارتی نەتەوەپەرستی تورکیا دەڵێت ئازادکردنی سەلاحەدین لە بەرژەوەندیی تورکیایە و دەبێتە مایەی خێر بۆ ئەم وڵاتە.

بەپێی هەواڵی کوردپرێس، دەوڵەت باخچەلی، سێشەممە ٤ی تشرینی دووەم، لە چوارچێوەی قسەکردنیدا لە کۆبوونەوەی ئاسایی پارتەکەیدا، هۆشداری لەوە دا کە دۆخی ناوچەکە مەترسیدارە و وتیشی': 'وتیشی عەبدوڵڵا ئۆجالان تا ئێستا بەڵێنەکانی خۆی بردوەتە سەر، دەبێت پەرلەمانتاران بچنە ئیمرالی و گوێ لە عەبدوڵڵا ئۆجالان بگرن و بەقسەی بکەن و مەهەپەش ئامادەیە بچێتە ئیمراڵی و چاویان بە عەبدوڵڵا ئۆجالان بکەوێت".

لەبارەی ئازادکردنی سەلاحەدین دەمیرتاشیشەوە باسی لەوەکرد، ئازادکردنی دەمیرتاش دەبێتە مایەی خێر بۆ تورکیا.

باخچەلی ڕاشیگەیاند: ''دەبێت بۆچوون و بیرۆکەی کۆتایی سەرکردایەتی دامەزرێنەری پەكەكە لەبەرچاو بگیرێت، ئێمە ئەو کەسانە دەبینین کە بە چاندنی مین لە نێوان ئۆجەلان و دەمیرتاشدا هەوڵی ڕێگری لە هەنگاوەکانی تورکیا دەدەن بەرەو جیهانێکی دوور لە تیرۆر".

#تورکیا #کوردپرێس #سەلاحەدین دەمیرتاش #پڕۆسەی ئاشتی #دەوڵەت باخچەلی #ئاشتی #زیندانی ئەدیرنە #دانوستانی ئاشتی #بانگەوازی ئاشتی #چارەسەر #پارتی نەتەوەپەرستی تورکیا

زیاتر بخوێنەوە

هەواڵی پێشوو و داهاتوو