پارتی دروشمەکەی جێبەجێبکات بە چەند رۆژێک حکوومەت پێکدێت
پوختەی هەواڵ
قوباد تاڵەبانی جەختی لەوە کردەوە یەکێتی بڕیاری یەکلاکەرەوەی داوە و دەبێت حکوومەتێکی کارا و خزمەتگوزار لەسەر بنەمای هاوبەشیی ڕاستەقینە پێک بێت.
بەپێی هەواڵی کوردپرێس، قوباد تاڵەبانی لە میانی سەردانەکانی بۆلای لایەنگرانی یەکێتی لە بازنەکانی ۵ ی ئاشتی لە کۆیە و ۳ ی تەقتەق و ۶ ی سێگردکان، ئاماژەی بەوەش کردوە: پارتی دروشمیان لەم هەڵبژاردنەدا، هاوبەشی و هاوسەنگی و سازانە، ئەگەر جێبەجێی بکەن بە چەند رۆژێک حکوومەت پێکدێت و ئەوانیش هەمان داواکاریان هەیە.
قوباد تاڵەبانی ئەوەشی خستەروو، یەکێتی بڕیاری داوە لە کوردستان حکوومەت دەبێت کارا و خزمەتگوزار و دادپەروەر بێت و لەسەر بنەمای هاوبەشیی ڕاستەقینە پێک بێت، لە بەغدادیش کار بۆ چارەسەرکردنی بنەڕەتیی کێشەکان بە تایبەتیش کێشەی بوودجە و مووچە بەپێی دەستوور دەکات.
#هەرێمی کوردستان
#کوردپرێس
#یەکێتیی نیشتمانیی کوردستان
#پێکهێنانی حکوومەت
#حکوومەتی هەرێمی کوردستان
#قوباد تاڵەبانی
#پەرلەمانی عێراق
#بانگەشەی هەڵبژادن
#جێگری سەرۆک وەزیرانی هەرێمی کوردستان
#هەڵبژاردنی پەرلەمانی عێراق
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران