کاردانەوەی نەوەی نوێ بۆ فەرمانی دەستگیر کردنی سەرۆکی جووڵانەوەکەیان
پوختەی هەواڵ
جووڵانەوەی نەوەی نوێ دەڵێت: ئەمشەو هێزێکی دەمامکداری یەکێتیی بەبێ هیچ تەبلیغێکی یاسایی هەڵیکوتایە سەرماڵی سەرۆکی جووڵانەوەکەمان شاسوار عەبدولواحید و بەرەو شوێنێکی نادیار ڕفاندوویانە.
بەپێی هەواڵی کوردپرێس، ئەمڕۆ سێشەممە ١٢ـی ئابی ٢٠٢٥، جووڵانەوەی نەوەی نوێ لە ڕاگەیەندراوێکدا بڵاویکردەوە: ئەم کردەوە مافیاگەرییە کە هێزێکی حزبیی سەرۆکی گەورەترین هێزی ئۆپۆزسیۆنی دەستگیرکردووە جگە لە شەرمەزاریی و ڕسوایی هیچ واتایێکی تری نییە.
ئاماژە بەوەش کراوە: "ئێمە وێڕای ئەوەی ئەم کردەوە ترسنۆکانەیە شەرمەزار دەکەین، بە یەکێتی و پارتی دەڵێین نە شاسوار عەبدولواحید و نە نەوەی نوێ سارد ناکاتەوە و ئێمەی هاوڕێیانی شاسوار عەبدولواحید لەسەر ئەم ڕێگای عەدالەت و ڕاستییە بەردەوام دەبین".
ئەوەش خراوەتەڕوو، لە هەمان کاتدا لەسەرخەتین لەگەڵ لایەنی کۆمەڵگای نێودەوڵەتیی و سەرجەم کونسوڵگەرییەکان تا بزانن ئەم دەسەڵاتە چەندە قێزەون و ستەمکارە.
#هەرێمی کوردستان
#کوردپرێس
#کورد
#کوردستان
#نەوەی نوێ
#شاسوار عەبدولواحید
#ئۆپۆزیسیۆن
#دەستگیر کردن
#جووڵانەوەی نەوەی نوێ
#سەرۆكی جووڵانەوەی نەوەی نوێ
#پۆلیسی سلێمانی
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران