گەشتی ئاسمانیی نێوان سلێمانی و تاران دەست پێ دەکاتەوە
پوختەی هەواڵ
گەشتی ئاسمانیی سلێمانی بۆ تاران ئاسایی بووەتەوە و ۱۸ی مانگ یەکەم گەشتی نیوان سلێمانی و ئێران دەست پێ دەکاتەوە.
بەپێی هەواڵی کوردپرێس، دانا محەممەد، بەڕێوەبەری ڕاگەیاندن و پەیوەندییە گشتییەکانی فڕۆکەخانەی سلێمانی، بە "کوردستان تیڤی"ی ڕاگەیاندووە: گەشتی ئاسمانیی نێوان سلێمانی و تاران لە ۱۸ی مانگەوە دەست پێ دەکاتەوە.
دانا محەممەد دەشڵێت، بەهۆی شەڕی ۱۲ ڕۆژەی نێوان ئێران و ئیسرائیل، گەشتی ئاسمانیی نێوان سلێمانی و ئێران ڕاوەستابوو، بەڵام بڕیار وایە لە ۱۸ی مانگەوە یەکەم گەشتی نێوانمان دەست پێ بکاتەوە.
سەبارەت بە شارەکانی دیکەی ئێران، دانا محەممەد گوتی: تا ئێستا تەنها گەشتی تاران نەبێت، گەشتی ئاسمانی لەگەڵ شارەکانی دیکە ئاسایی نەبووەتەوە.
بۆچوونی بەکارهێنەران