درۆنێک لە نزیک فڕۆکەخانەی هەولێر خرایە خوارەوە

پوختەی هەواڵ

دژەتیرۆری کوردستان لەبارەی کەوتنەخوارەوەی درۆنەکەی ئەمشەو لە نزیک فڕۆکەخانەی هەولێر رایگەیاند، هیچ زیانێکی گیانی و ماددی نەبووە.

بەپێی هەواڵی کوردپرێس، دژەتیرۆری کوردستان بڵاوی کردەوە: شەوی پێنجشەممە ۳ی تەممووزی ۲۰۲۵، کاتژمێر ۲۱:۵۸ درۆنێکی بۆمبڕێژکراو لە نزیک فڕۆکەخانەی نێودەوڵەتیی هەولێر خرایە خوارەوە.

ڕاشیگەیاند: خۆشبەختانە خستنەخوارەوەی درۆنەکە هیچ زیانێکی گیانی و ماددیی لێ نەکەوتەوە.

لای خۆشییەوە لەبارەی هەڵوەشانەوەی گەشتەکان، لاوەند مەموندی، بەڕێوەبەری کۆمپانیای فلای ئەربیل ڕایگەیاند: "هیچ گەشتێک هەڵنەوەشاوەتەوە و سەرجەم گەشتەکان ئاسایین، کەوتنەخوارەوەی درۆنەکە هیچ کاریگەری لەسەر گەشتەکان نەبووە".

#کوردپرێس #کورد #کوردستان #هەولێر #درۆن #هێرشی مووشەکی #فڕۆکەخانەی هەولێر #درۆنی بۆمبڕێژکراو #دژە تیرۆری کوردستان #هێرشی درۆن

زیاتر بخوێنەوە

هەواڵی پێشوو و داهاتوو