لە تورکیا دژی دەستگیر کردنی سەرۆکی شارەوانی ئیستەنبووڵ خۆپیشاندان بەردەوامە
پوختەی هەواڵ
بەپێی هەواڵی کوردپرێس، شەوی ڕابردوو خوپیشاندانەکان لە شارەکانی تورکیا فراوانتربوو دوای بانگەوازەکانی بەرپرسانی جەهەپە و بڵاوکردنەوەی پەیامەکەی ئەکرەم ئیمام ئۆغلوو سەرۆکی شارەوانی ئیستەنبووڵ کە تێیدا داوای بەرفراوانکردنی ناڕەزایەتیەکانیان کرد.
بەگوێرەی سەرچاوەکان لە شارەکانی ئیستەنبووڵ، ئەنقەرە، ترابرۆن، ئەدەنە، بۆرسا و چەند شوێنی دیکە خۆپیشاندانەکان فراوانتر بوون.
میدیاکان بڵاویان کردەە لەچەند شوێنێک پێکدادان لەنێوان خۆپێشاندەران و پۆلیسدا ڕوویداوە و خۆپیشاندەران هەوڵیان داوە بچنە بەشێک لەدامودەزگا حکومییەکانەوە.
هاوکات یەڵماز تونچ وەزیری دادی تورکیا باسی لەوەکرد، دەستگیرکردنی ئیمامئۆغلو پەیوەندی بە ئەردۆغانەوە نییە و لە چوارچێوەی ئەو لێکۆڵینەوانەی لەلایەن سەرۆکایەتیی داواکاری گشتیی ئیستەنبووڵ کراون دەرکەوتووە کە ئەو لەسەر دۆسییەی گەندەڵی دەستگیرکراوە.
ئەوەش لەکاتێکدایە، رۆژی چوارشەممە بە بڕیاری دەسەڵاتی دادوەری تورکیا فەرمانی دەستگیرکردن بۆ ئیمامئۆغڵو و راوێژکاری راگەیاندنەکەی دەرکرا.
بۆچوونی بەکارهێنەران