لە هێرشێکی دڕندانەی سوپای تورکیا، ۹ ئەندامی خێزانێک گیانیان لەدەست دا
پوختەی هەواڵ
فڕۆکەکانی تورکیا لە باشووری کۆبانێ کۆمەڵکوژییەکی دیکەیان ئەنجام داوە و بەهۆیەوە نۆ ئەندامی خێزانێک گیانیان لەدەست داوە کە زۆرینەیان منداڵن.
بەپێی هەواڵی کوردپرێس، هێزەکانی سووریای دیموکرات لە راگەیەندراوێکدا ئاماژەی بەوەکردووە: درەنگانی شەوی ڕابردوو فڕۆکە جەنگییەکانی سوپای تورکیا خێزانێکیان بۆردوومان کردووە کە لە ناوچەکەیێکی نێوان گوندی قومچی و بەرخ بۆتان لە باشووری کۆبانێ سەرقاڵی کاری کشتوکاڵ بوون.
لە ئەنجامی ئەو هێرشە دڕندانەیەدا نۆ ئەندامی خێزانێک گیانیان لەدەست داوە کە بریتین لە باوک و دایک و حەوت منداڵ، دوو منداڵی دیکەشیان بریندار بوون.
هەسەدە دەشڵێت، هەر لە بۆردوومانەکەدا دوو کەسی دیکە برینداربوون و برینەکانیان سەختە، ڕەوانەی نەخۆشخانە کراون.
گالەری وێنەکان
بۆچوونی بەکارهێنەران