بانگەوازی ئۆجەلان بۆ پەکەکە بوو و ناوچەکانی ئێمە ناگرێتەوە

پوختەی هەواڵ

مەزڵووم عەبدی، فەرماندەی گشتیی هەسەدە لەبارەی پەیامەکەی ئۆجەلان رایگەیاند: ئەگەر ئەم پرۆسەیە سەربکەوێت، بۆ ئێمەش کاریگەریی ئەرێنی دەبێت و تورکیا هیچ بیانوویێکی نامێنێت بۆ هێرشکردنە سەر ناوچەکەمان".

بەپێی هەواڵی کوردپرێس، مەزڵووم عەبدی وتیشی: "رێبەری پەکەکە پەیامی بۆ ئێمەش ناردبوو و بۆچوونی خۆی تێدا ڕوونکردبووەوە و ئێمەش بەشێوەیێکی ئەرێنی لێی دەڕوانین".

ئاماژەی بۆ ئەوەش کرد: بانگەوازی بەڕێز ئۆجەلان بۆ پەکەکە بوو، بۆ گەریلاکانی پەکەکە بوو. بەشێوەێکی ڕاستەوخۆ بۆ ئەم ناوچەیە نەبوو. هەروەک چۆن پەیامی بۆ هەرێمی کوردستان و هەموو شوێنێکی نارد، بۆ ئێمەشی نارد.

فەرماندەی هەسەدە جەختیشی کردەوە لەوەی: بۆ پەیامەکەی ئۆجەلان "هەڵوێستمان ئەرێنییە " و "پێموایە ئاگربەستی نێوان پەکەکە و تورکیا و بەرقەراربوونی ئاشتی کاریگەریی لەسەر ناوچەکەی ئێمەش هەیە".

#تورکیا #کوردپرێس #کورد #کوردستان #مەزڵووم کۆبانی #مەزڵووم عەبدی #فەرماندەی گشتیی هێزەکانی سووریای دیموکرات #عەبدوڵڵا ئۆجەلان #پەکەکە #هەسەدە #ئۆجەلان #ئاشتی

زیاتر بخوێنەوە

هەواڵی پێشوو و داهاتوو