والیی کەرکووکی داعش لە ئۆپەراسیۆنی هێزی ئاسمانیی عێراقدا کوژرا
پوختەی هەواڵ
فەرماندەیی ئۆپەراسیۆنە هاوبەشەکان لە ڕاگەیەنراوێکدا دەڵێت: دوای بڵاوکردنەوەی ڕاگەیەنراوەکەمان سەبارەت بە هێرشی ئاسمانیی فڕۆکەکانی ئێف ۱۶، کە لە ۳۱ـی کانوونی دووەمی ۲۰۲۵، کرایە سەر حەشارگەیێکی تیرۆریستان لە ناوچەی ئەلزەرکە لە سەلاحەددین، دوای هەوڵ و بەدواداچوون و پشکنینی تەرمی حەوت کوژراوی ئەم ئۆپەراسیۆنە، دەرکەوت کە لەناو کوژراوەکاندا چەند سەرکردەی گرنگی داعش هەن."
لە ڕاگەیەنراوەکەدا هاتووە، ئەو سەرکردانەی کوژراون بریتین لە: دەحام محەممەد علێوی ئەلمەکنی ناسراو بە (ئەبوو سەعید ئەلدەندوشی) کە والیی کەرکووک بووە و بەرپرسی هێرشە تیرۆریستیەکان بووە بۆسەر هاووڵاتیان و کردەی تیرۆری لە دۆڵی چای لە چیای حەمرین و حەویجە.
هەروەها شەحازە عەلاوی ساڵح ئەلمەکنی ناسراو بە (ئەبوو عیسا) بەرپرسی کەرتی حەمرین بووە، ڕەبیع ئەلبەتوش کە یەکێک بووە لە چەکدارە گرنگەکانی داعش، ئەویش لە نێو کوژراوەکاندا بووە.
گالەری وێنەکان
بۆچوونی بەکارهێنەران