مەزڵووم کۆبانێ سەرکۆنەی هێرشەکەی بازاڕێکی کریسمسی ئەڵمانیا دەکات

پوختەی هەواڵ

فەرماندەی گشتیی هێزەکانی سووریای دیموکرات سەرکۆنەی هێرشەکەی بازاڕێکی کریسمسی ئەڵمانیا دەکات کە بووە هۆی کوژرانی ۵ کەس و برینداربوونی سەرووی ۲۰۰ـی دیکە.

بەپێی هەواڵی کوردپرێس، لە پۆستێکی تۆڕی کۆمەڵایەتیی ئێکسدا، فەرماندە کوردەکە نووسیویەتی: "بە تووندترین شێوە ئەو هێرشە تیرۆریستییە سەرکۆنە دەکەین کە لە ئەڵمانیا ڕوویدا و سەرەخۆشیی خۆمان ئاراستەی خێزانی قوربانییان و حکوومەتی ئەڵمانیا دەکەین".

مەزڵووم عەبدی دەڵێت: "ئەم کارە تاوانکارییە جارێکی دیکە، گرنگیی چڕکردنەوەی هەوڵە نێودەوڵەتییەکان بۆ بەرەنگاربوونەوەی تیرۆر و بەرپەرچدانەوەی لە هەموو شوێنێک نیشاندەدات".

هێرشەکە لە لایەن پزیشکێکی بە رەچەڵەک سعوودیی دژە ئیسلامەوە کرا، کاتێک لە شاری مارگدێبورگی ڕۆژهەڵاتی ئەڵمانیا خۆی بە نێو قەرەباڵخیی بازاڕێکی کریسمسدا کرد.

#کوردپرێس #ئەڵمانیا #کورد #کوردستان #مەزڵووم کۆبانی #مەزڵووم عەبدی #فەرماندەی گشتیی هێزەکانی سووریای دیموکرات #هێرشی تیرۆریستی #تاڵیب جەواد عەبدولموحسین #مارگدێبورگ #کریسمەس

زیاتر بخوێنەوە

هەواڵی پێشوو و داهاتوو