دەرکردنی ناوی تەحریر شام لە لیستی تیرۆر لەسەر بنەمای کرداری خۆیان دەبێت

پوختەی هەواڵ

وەزارەتی دەرەوەی ئەمریکا رایگەیاند، لەگەڵ دەستەی تەحریر شام دەستیان بە گفتوگۆ کردووە، دەشڵێت، دەرکردنیان لە لیستی تیرۆر لەسەر بنەمای کرداری خۆیان دەبێت.

بەپێی هەواڵی کوردپرێس، وەزارەتی دەرەوەی ئەمریکا لە ڕاگەیەندراوێکدا ئاماژەی بەوەکرد، لەبارەی بنەماکانی دۆخی ڕاگوزەری سووریا لەگەڵ دەستەی تەحریر شام لە گفتوگۆدان.

ئەوەشیخستەڕوو، دەرکردنی دەستەی تەحریر شام لە لیستی تیرۆر لەسەر بنەمای کردار دەبێت، نەک تەنها بە قسەکردن.

ئەمەش لەکاتێکدایە، ڕۆژی دووشەممە، ئەحمەد شەرع، فەرماندەی گشتیی ئیدارەی نوێی سووریا داوای کرد دەستەی تەحریر شام لە لیستی تیرۆر دەربکرێت.

#کوردپرێس #کورد #کوردستان #تیرۆریست #وەزارەتی دەرەوەی ئەمریکا #وتەبێژی وەزارەتی دەرەوەی ئەمریکا #تەحریری شام #تەحریر شام #ئەحمەد شەرع #محەمەد جۆلانی #دەستەی تەحریر شام #لیستی تیرۆر

زیاتر بخوێنەوە

هەواڵی پێشوو و داهاتوو