هێشتا هیچ ڕێککەوتنێک لەنێوان بەرڕێوەبەریی خۆسەر و دیمەشق نەکراوە
پوختەی هەواڵ
بەپێی هەواڵی کوردپرێس، کەمال عاکف وتەبێژی فەرمی ئیدارەی پەیوەندییەکانی دەرەوە لە ئیدارەی خۆسەری دیموکراتیکی باکوور و ڕۆژهەڵاتی سووریا لە بەیاننامەیەکدا ڕایگەیاند: ئەو ڕەشنووسەی بڵاوبووەتەوە لەبارەی لێکتێگەیشتنی بەڕێوەبەرایەتیی خۆسەر و دیمەش ڕاست نییە و هیچ بنەمایەکی نییه.
ئەوەش لەکاتێدایە بەرپرسانی کوردستانی سووریا دەڵێن ئامادەن بۆ گفتوگۆ لەگەڵ دەسەڵاتی نوێ لە دیمەشق و شاند دەنێرن.
مەزڵووم عەبدی فەرماندەی گشتیی هەسەدە ڕایگەیاندووە، پێمان خۆشە شاندێک بنێرین بۆ دیمەشق بۆ تاوتوێ کردنی هەڵوێستی خۆمان لە سووریای نوێ و داوای هاوکاری واشنتۆن دەکەین بۆ ئەوەی ئیدارەی خۆسەر بخرێتە ناو پرۆسەی سیاسی سووریاوە.
دەشڵێت، بوونی ئەمریکا زۆر گرنگە بۆ سەقامگیری و ئاسایش و پاراستنی گەلەکەمان.
عەبدی وتیشی، پێویستە ئیدارەی سیاسی ئێمە نوێنەرایەتی لە حکوومەتی نوێی سووریادا هەبێت، دەبێت هێزەکانمان بەشێک بن لە هێزە چەکدارەکانی وڵات و ئەوەی ئێمە بەدوایدا دەگەڕێین ئیدارەی لامەرکەزییە و پێویستە مافی کەمینەکانی سووریا لە دەستووری سووریادا چەسپێنرێت.
بۆچوونی بەکارهێنەران