پێکدادانی قورس لە بەنداوی تشرینی کۆبانێ؛ دەیان میلیشیا کوژران
پوختەی هەواڵ
لە شەوی ڕابردووەوە تاوەکوو ئێستا چەند جارێک گرووپە چەکدارەکانی سوپای نیشتمانی سووریا هێرشیان کردووەتە سەر بەنداوی تشرین لە نێوان مەنبج و کۆبانێ و شەڕی سەخت لە نێوانیاندا هەیە.
بەپێی هەواڵی کوردپرێس، بەگوێرەی میدیا خۆجێییەکانی کوردستانی سووریا لە شەوی ڕابردووەوە گرووپە چەکدارەکان چەند جارێک هێرشیان کردووە و شەڕڤانانی هێزەکانی سووریای دیموکرات (هەسەدە) وەڵامیان داونەتەوە.
هەر بەگوێرەی میدیا خۆجێیەکان، "ڕووبەڕووبوونەوەی سەخت تاوەکوو ئێستا لە سنووری بەنداوەکە درێژەی هەیە و شەڕڤانانی هەسەدە ژمارەیەک ئۆتۆمبێلی سەربازیی چەکدارەکانیان تێکشکاندووە".
میدیای بەڕێوەبەرایەتیی خۆسەر ڕایگەیاندووە، لە ڕووبەڕووبوونەوەکاندا "ژمارەیەک چەکدار"ی گرووپە چەکدارەکان کوژراون و پێکدادان بەردەوامە.
بەنداوی تشرین لەنێوان مەنبج و کۆبانێدایە و لەژێر دەسەڵاتی هێزەکانی سووریای دیموکرات دایە.
گالەری وێنەکان
بۆچوونی بەکارهێنەران