پێویستە خەڵکی ناوچە کێشەلەسەرەکان ناویان لە زێدی خۆیان تۆمار بکەن
پوختەی هەواڵ
بەپێی هەواڵی کوردپرێس، دژوار فایەق، سەرۆکی بۆردی ماددەی ۱۴۰ و نوێنەری حکوومەتی هەرێمی کوردستان لە لیژنەی جێبەجێکاری ماددەی ۱۴۰ لە بەغدا، لە پەیامێکیدا دەڵێت: ئەم سەرژمێرییە چارەنووساز و گرنگ و هەستیارە، پێویستە هەموومان لە کوردستان ناوی خۆمان تۆمار بکەین، چوونکە ئەوە وەکوو تۆمارێک و بەڵگەیەکی مێژوویی دەمێنێتەوە، هەروەها لە داهاتوودا هەموو کارە فەرمییەکانمان لەسەر بنەمای ئەو سەرژمێری و بەڵگەنامانە دەبێت.
داوا لە خەڵکی کوردستان، بەتایبەتی کەرکووک و ناوچەکانی دەرەوەی ئیدارەی هەرێمی کوردستان دەکات، بچنە زێدی باب و باپیرانی خۆیان لە زومار، شنگال، شێخان، دەشتی نەینەوا، مەخموور، دوبز، پردێ، کەرکووک، داقووق، خورماتوو، جەلەولا، خانەقین و مەندەلی، ناوەکانیان تۆمار بکەن.
ئاماژە بەوەدەکات، بۆ ئەوەی جارێکی دیکە بیسەلمێنین ئەو ناوچانە زۆرینە کوردن و ناوچەی کوردستانین و بەناحەق لە کوردستان دابڕێنراون، دواتریش ئەو بەڵگەیە دەمێنێتەوە و بۆ داهاتوو کاری لەسەر دەکرێت، هەروەها کار لەسەر کڕین و فرۆشتنی خانوو زەوی و بەناوکردنی ئۆتۆمبێل و دامەزراندن و زەوی وەرگرتن لە حکوومەت دەکات.
گالەری وێنەکان
بۆچوونی بەکارهێنەران