ئەمساڵ بەهۆی بۆردوومانەکانی تورکیاوە ۱۷ هاووڵاتی لە هەرێم کوژراون
پوختەی هەواڵ
ڕێكخراوی CPT ئەمریكی بڵاویکردۆتەوە تەنها لە ۹ مانگی ئەمساڵدا تورکیا ۱۷ هاوڵاتى کوردی لە هەرمی کوردستان کوشتووە.
بەپێی هەواڵی کوردپرێس، کامەران عوسمان لێپرسراوی بەشی مافی مرۆڤ، لە رێكخراوی CPT ئەمریكی ڕایگەیاند: "لە ۹ مانگی ئەمساڵدا، تورکیا نزیکەی هەزار و ۶۰۰ جار هەرێمی کوردستانی بۆردوومان کردووە و بەهۆی بۆردوومانەکانیشەوە ۱۷ هاوڵاتى کورد کوژراون."
ناوبراو وتیشی: "لە ئەمساڵدا، تورکیا نزیکەی هەزار و ۶۰۰ جار هەرێمی کوردستانی بۆردوومان کردووە، کە ۹۳%ى هێرشەکان بە فڕۆکەی جەنگی بووە".
کامەران عوسمان ئاماژەی بەوەش کرد: "بە درێژایی ساڵی ڕابردوو تورکیا هەزار و ۵۴۸ جار هەرێمی کوردستانی بۆردوومان کردووە".
کامەران عوسمان باسی لەوەش کرد: "بەهۆى بۆردوومان و لەشکرکێشییەکانى تورکیاوە تا ئێستا زیاتر لە ۱۷۰ گوندی هەرێمی کوردستان بە تەواوی چۆڵکراون و زیاتر لە ۶۰۰ گوندی تر مەترسی چۆڵبوونیان هەیە".
#کوردپرێس
#کورد
#کوردستان
#پەکەکە
#بۆردوومان
#هاووڵاتیی سڤیل
#هێرشی تورکیا
#کامەران عوسمان
#ڕێکخراوی CPT
#بۆردوومانی تورکیا
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران