بەبانکی کردن لە بانکە فیدراڵییەکان بە دروست دەزانین
پوختەی هەواڵ
وتەبێژی لیستی یەکێتیی نیشتمانیی کوردستان رایگەیاند، بە هەموو شێوەیەک هەژماری من رەتدەکەنەوە و ناکرێت هیچ لایەنێک فشار لە مووچەخۆران بکات بۆ هەڵبژاردن و دیاریکردنی بانکێک.
بەپێی هەواڵی کوردپرێس، کاروان گەزنەیى، وتەبێژی لیستی یەکێتیی نیشتمانیی کوردستان لە کۆنفرانسێکی رۆژنامەوانیدا رایگەیاند، حیزبەکەى بە هەموو شێوەیەک بەبانکی کردنى مووچە لە رێگەى هەژمارى منەوە رەتدەکاتەوە و پرۆسەى بەبانکی کردن لە بانکە فیدراڵییەکان بە پەسەند و بژاردەیەکى دروست دەزانێت.
بەوتەى کاروان گەزنەیى، تیمى وەزارى یەکێتى لە حکوومەتى هەرێمى کوردستان وتوویەتى پڕۆسە بەبانکی کردن ئارەزوومەندانەیە و ناکرێت هیچ کەس و لایەنێک فشار لە مووچەخۆران بکات بۆ هەڵبژاردن و دیاری کردنى بانکێک.
ناوبراو وتیشى: "لەژێر رۆشنایى بڕیارەکەى دادگاى فیدراڵى، یەکێتیی پرۆسەى بەبانکی کردن لە بانکەفیدراڵییەکان بەدروست دەزانێت و تیمیى خۆیان لە ئەنجوومەنى نوێنەران راسپاردووە لەو بارەیەوە هەنگاوى کردەیى بگرنەبەر".
#کوردپرێس
#یەکێتیی نیشتمانیی کوردستان
#کورد
#کوردستان
#کاروان گەزنەیی
#پەرلەمانی کوردستان
#بوودجە
#مووچە
#هەڵبژاردن
#بانگەشەی هەڵبژادن
#هەژماری من
#تەوتین
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران