سەرکردەیەکی گرووپی «حراس الدین» لە هێرشێکی ئەمریکادا کوژرا
پوختەی هەواڵ
فەرماندەیی ناوەندیی ئەمریکا، کوشتنی ئەبوو عەبدولڕەحمان ئەلملكی سەرکردەی دیاری ڕێکخراوی حراس الدین "پاسەوانانی ئایین"ی لە سووریا ڕاگەیاند.
بەپێی هەواڵی کوردپرێس، فەرماندەیی ناوەندیی ئەمریكا لە بەیاننامەیەکدا ڕایگەیاند، "ئەلملكی" ئەندامی ئەنجومەنی شورای "پاسەوانانی ئایین" بووە و بەرپرس بووە لە سەرپەرشتی کردنی كردەوە تیرۆریستییەکان لە سووریا.
ژەنەڕاڵ مایکل کۆرێلا رایگەیاند: "فەرماندەیی ناوەند پابەندە بە شکستی هەمیشەیی تیرۆریستان کە هەڕەشە لە ئەمریکا و هاوپەیمانان و هاوبەشەکانمان و سەقامگیری ناوچەکە دەکەن.
لە بەیاننامەکەدا هاتووە، "پاسەوانانی ئایین" هێزێکە سەر بە قاعیدەوەیە و بنکەکەی لە سووریایە، هەروەها هاوبەشی "ئەلقاعیدە"یە لە خواستە جیهانیەکانیدا بۆ دەستپێکردنی هێرش دژی بەرژەوەندییەکانی ئەمریکا و ڕۆژئاوا.
بۆچوونی بەکارهێنەران