عێراق بەهێز نابێت، تا ئەو کاتەی هێزی بیانیی تێدا بێت

پوختەی هەواڵ

بەشی عێراق و هەرێمی کوردستان- ئەمینداری گشتیی رێکخراوی بەدر رایگەیاند، هەرگیز عێراق بەهێز نابێت تا ئەو کاتەی هێزە بیانییەکان لە خاکی وڵاتەکە دەچێتە دەرەوە.

بەپێی هەواڵی کوردپرێس، هادی عامری ئەمینداری گشتیی رێکخراوی بەدر ڕایگەیاند، عێراق بەهێز نابێت تا ئەو کاتەی هێزەکانی هاوپەیمانی نێودەوڵەتی لە وڵاتەکە دەچنە دەرەوە و پێویستە هەمووان هەڵوێستێکی یەکگرتوویان هەبێت دژ بە بوونی هێزە بیانییەکان.

هادی عامری ئاماژەی بەوەش کرد، پێشێل کردنی بەردەوامی سەروەریی عێراق قبووڵ ناکەن، هەروەها پەیوەندی لەگەڵ تورکیا پتەو ناکەن تا ئەو کاتەی هێزەکانی لە هەرێمی کوردستان دەباتە دەرەوە.

ئەوەشی خستەڕوو، جەنگی سارد بەها و داب و نەریتی عێراق بە ئامانج دەگرێت، ئەرکی ئەوانیش بەرەنگاربوونەوە و بەرگری کردنە لە کۆمەڵگا، بە شێوەیەکی ئاشکرا نەتەوەی عێراق بە ئامانج دەگیرێت و پێویستە گەنجەکانی عێراق لە داگیرکاری بیروبۆچوون بپارێزن.

#عێراق #تورکیا #هەرێمی کوردستان #کوردپرێس #هاوپەیمانان #هاوپەیمانیی نێودەوڵەتی #هێزی بیانی #هادی عامری #ئەمینداری گشتیی رێکخراوی بەدر

زیاتر بخوێنەوە

هەواڵی پێشوو و داهاتوو