شەڕی پەکەکە و تورکیا بووە هۆی ئاگرکەوتنەوە لە دوو گوندی ئامێدی

پوختەی هەواڵ

بەشی تورکیا- بەهۆی شەڕی تورکیا و پەکەکەوە، ئاگر لە زەویی گوندەکانی کانێ و سگێرێ لە بناری چیای مەتین لە ئامێدی کەوتووەتەوە.

بەپێی هەواڵی کوردپرێس، نزار سەرگەلی، موختاری گوند بە تەلەفزیۆنی ڕووداوی ڕاگەیاندووە: ئاگرەکە لەدوای نیوەڕۆی دوێنێوە کەوتووەتەوە و تاوەکوو ئێستا کۆنترۆڵ نەکراوە. بەهۆیەوە سەدان داری دارستان و نێو باخی هاونیشتمانییان لەو دوو گوندە سووتاون.

بە وتەی ئەو موختارە، ناوچەکە شاخاوییە و کۆنترۆڵ کردنی ئاگرەکە ئاسان نییە، دانیشتووانی ئەو گوندانە لە هەوڵدان بۆ کوژاندنەوەی ئاگرەکە، چوونکە تیمەکانی بەرگریی شارستانی ناتوانن بچنە ئەو ناوچانە.

دوو ساڵە بەهۆی ئۆپەراسیۆنی تورکیا و جێگیرکردنی هێزەکانی لە سنووری سگێرێ لە ئامێدی، بەردەوام شەڕ و ئاڵۆزی لەو سنوورە هەیە. تاوەکوو ئێستا بەهۆی ئەو شەڕەوە شەش جار ئاگر لە زەویی ئەو گوندانە کەوتووەتەوە.

#تورکیا #هەرێمی کوردستان #کوردپرێس #پەکەکە #پارتی کرێکارانی کوردستان #ئاگرکەوتنەوە #ئامێدی #هێرشەکانی تورکیا

زیاتر بخوێنەوە

هەواڵی پێشوو و داهاتوو