پەیامی ماتەمینی سەرۆکی حکوومەتی هەرێم بۆ ڕێبەر و گەلی ئێران
پوختەی هەواڵ
بەشی عێراق و هەرێمی کوردستان- مەسروور بارزانی، سەرۆکی حکوومەتی هەرێمی کوردستان لە پرسەنامەکەیدا، پرسە و سەرەخۆشی و هاوخەمی قووڵی خۆی ئاراستەی رێبەرایەتی، حکوومەت و خەڵکی کۆماری ئیسلامیی ئێران دەکات.
بەپێی هەواڵی کوردپرێس، دەقی پەیامی سەرەخۆشیی سەرۆکوەزیرانی هەرێمی کوردستان بەمشێوەیە:
پرسە و سەرەخۆشی و هاوخەمی قووڵی خۆمان ئاراستەی ڕێبەرایەتی و حکومەت و خەڵکی کۆماری ئیسلامیی ئێران دەکەین بۆ کۆچی دوایی سەرۆک کۆمار ئایەتوڵڵا سەید ئیبراهیم ڕەئیسی و وەزیری دەرەوە بەڕێز حوسێن ئەمیر عەبدوڵڵاهیان و هاوڕێکانیان.
لە خوای مەزن داواکارین گیانی خوالێخۆشبووان بخاتە بەر بەزەیی خۆی و سەبر و دڵنەواییش بە بنەماڵە و کەسوکار و خەڵکی ئێران بە گشتی ببەخشێت. لەم کاتە سەختەدا، هاوخەمی و هاوپشتی خۆمان لەگەڵ خەڵکی کۆماری ئیسلامی ئێران دووپات دەکەینەوە.
مەسرور بارزانی
سەرۆکی حکومەتی هەرێمی کوردستان
بۆچوونی بەکارهێنەران