پێشمەرگەیەکی هەرێمی کوردستان لە هێرشێکی تورکیا گیانی لەدەستدا
پوختەی هەواڵ
بەشی عێراق و هەرێمی کوردستان- بەهۆی بۆردوومانی فڕۆکە جەنگییەکانی تورکیا، پاش بەئامانجگرتنی ئۆتۆمبێلەکەی، پێشمەرگەیەک گیانی لەدەستدا.
بەپێی هەواڵی کوردپرێس، قوربانییەکە ناوی سەروەر قادر ڕەشکۆیە، تەمەنی ۴۶ ساڵە و خەڵکی گوندی شێخ ڕەشە لە قەزای سیدەکان و پیشەی پێشمەرگەیە.
لەسەرەتای ئەمساڵەوە تاوەکوو ئێستا، شەش هاونیشتمانیی مەدەنی بەهۆی بۆردوومان و هێرشەکانی تورکیا بۆ سەر خاکی هەرێمی کوردستان گیانیان لەدەستداوە و دوو هاونیشتمانیی دیکەی مەدەنیش برینداربوون.
لەمبارەوە کاروان فەیسەل بەڕێوەبەری تەندروستی سیدەکان بەکەناڵ هەشتی ڕاگەیاند: "شەوی ڕابردوو فڕۆکە جەنگییەکانی تورکیا لە گوندی شێخ ڕەش له سنووری قەزای سیدەکان له ئۆتۆمێلی پشمەرگەیەکی داوە".
بەهۆی بۆردوومانەکەوە، پێشمەرگەکە دەکەوێتە ناو ڕووباری گوندەکە و تاوەکوو ڕۆژی دواتر کەس ئاگادار نەبووە، کاتێک زانیویانە گەیەندراوەتە نەخۆشخانەی سیدەکان، بەڵام کاتێک گەیەندراوە، گیانی لەدەست داوە.
بۆچوونی بەکارهێنەران