بەبێ بەشداری عەرەب و تورکمانەکان یەکەم کۆبوونەوەی ئەنجومەنی نوێی پارێزگای کەرکووک بەڕێوەچوو

پوختەی هەواڵ

بەشی عێراق و هەرێمی کوردستان- یەکەم کۆبوونەوەی ئەنجومەنی نوێی پارێزگای کەرکووک بە بەشداری ئەندامانی کورد و کۆتای کریستیانەکان کە ژمارەیان هەشت ئەندامە، بەڕێوەچوو.

کوردپرێس:

بەپێی زانیارییەکان، ئەنجومەنی هەڵبژێردراوی پارێزگای کەرکووک یەکەم کۆبوونەوەی خۆی دەستپێکرد، بەڵام لەلایەن عەرەب و تورکمانەکانەوە بایکۆت کراوە.

بەهۆی بایکۆتی پێکهاتەی عەرەب و تورکمانەوە ئەنجومەنی پارێزگای کەرکووک کۆبوونەوەکەی دواخست و نەیتوانی پارێزگاری نوێی شارەکە دیاری بکات.

ئەوە لەکاتێکدایە کە لە کۆبوونەوەی یەکێتی و پارتیدا نزیک‌بوونەوە بۆ ڕێککەوتن بۆ دانانی پارێزگاری کەرکووک هەبووە، بەڵام ئەمڕۆ سەرکردەیەکی پارتی ڕایگەیاند پارێزگاری کەرکووک دەبێت کوردێکی بێلایەن بێت.

#کوردپرێس #پارتی دیموکراتی کوردستان #یەکێتیی نیشتمانیی کوردستان #کورد #تورکمان #ئەنجومەنی پارێزگاکان #هەڵبژاردنی ئەنجومەنی پارێزگای کەرکووک

زیاتر بخوێنەوە

هەواڵی پێشوو و داهاتوو