دوو درۆن لە نزیک فڕۆکەخانەی هەولێر خرانە خوارەوە
پوختەی هەواڵ
بەپێی هەواڵی کوردپرێس، تەلەفزیۆنی ڕووداو بڵاوی کردەوە بەرەبەیانی ئەمڕۆ چوارشەممە، دەوروبەری کاژێر ۰۴:۰۰، دوو درۆن لە نزیک فڕۆکەخانەی هەولێر خراونەتە خوارەو و خستنە خوارەوەی درۆنەکان هیچ زیانێکیان نەبووە.
هەر لەمبارەوە ژمارەیەک هاونیشتمانی لە هەولێر ڕایانگەیاندووە: دەنگی بەرزیان لە نزیک فڕۆکەخانەی شارەکەوە بیستووە. سەرچاوەیەکیش لەنێو فڕۆکەخانەی هەولێر دەڵێت: ئەو دەنگە بەرزەی ئەمڕۆ چوارشەممە لە نزیک فڕۆکەخانەکەوە بیستراوە هێرشی درۆنی نەبووە، بەڵکوو مەشق و ڕاهێنانی هێزەکانی هاوپەیمانان بووە.
نیگەرانی ئەو هاونیشتمانییانە لەوێوە سەرچاوە دەگرێت کە لە ماوەکانی رابردوودا چەندین جار بە درۆن هێرشکراوەتە سەر دەوروبەری فڕۆکەخانەی هەولێر و بنکەی هێزەکانی ئەمریکا و هاوپەیمانان.
بەگوێرەی وەزارەتی بەرگریی ئەمریکا- پێنتاگۆن، لە ۱۷ی ئۆکتۆبەری ساڵی ڕابردووەوە تاوەکو ئێستا، گرووپە چەکدارەکان نزیکەی ۱۶۵ هێرشیان کردووەتە سەر هێزەکانی ئەمریکا و هاوپەیمانان لە عێراق و سووریا و ناوچەکەدا، کە بەشێک لەو هێرشانە بۆ نزیکی فڕۆکەخانەی هەولێر بووە.
بۆچوونی بەکارهێنەران