سەرۆک‌کۆماری تورکیا لە پەیوەندییەکی تەلەفۆنیدا سەرەخۆشیی لە ئیبراهیم ڕەئیسی کرد

پوختەی هەواڵ

بەشی تورکیا- ڕەجەب تەییب ئەردۆغان پەیوەندییەکی تەلەفۆنی لەگەڵ سەرکۆماری ئێران ئەنجام دا و بەهۆی تەقینەوە تیرۆریستییەکەی کرمان، سەرەخۆشی خۆی ئاراستە کرد.

کوردپرێس: بەپێی ڕاگەیەندراوێکی فەرمانگەی پەیوەندییەکان سەر بە سەرۆکایەتی کۆماری تورکیا، سەرکۆماری تورکیا ڕەجەب تەییب ئەردۆغان لە پەیوەندییە تەلەفۆنییەکەدا سەرکۆنەی هێرشە تیرۆریستییەکەی سەر کرمانی کردووە کە خەڵکی سڤیلی کردووەتە ئامانج.

ئەردۆغان لە پەیوەندییەکەدا جەختی لەوە کردووەتەوە کە لە پرسی بەرەنگاربوونەوەی تیرۆردا لە پاڵ ئێراندا دەبن و هیوای سەبر و ئارامی بۆ خانەوادەی قوربانیان خواستووە.

هەر لەو پەیوەندییە تەلەفۆنییەدا، سەرکۆماری تورکیا داوای کردووە کە لە پرسی بەرەنگاربوونەوەی تیرۆردا، هەر دوو وڵات لەگەڵ یەکتر هەماهەنگ بن.

#ئێران #تورکیا #کوردپرێس #سەرۆک کۆماری ئێران #ڕەجەب تەییب ئەردۆغان #سەرۆک کۆماری تورکیا #ئیبراهیم ڕەئیسی #هێرشی تیرۆریستی #سەردار سولەیمانی #کرمان #تەقنەوەی کرمان

زیاتر بخوێنەوە

هەواڵی پێشوو و داهاتوو