هەسەدە بەرپرسێکی داعشی لە ڕەققە دەستگیر کرد
پوختەی هەواڵ
بەشی سووریا- هێزەکانی سووریای دیموکرات دەستگیرکردنی بەرپرسی دابینکردنی چەکی داعشیان لە ڕەققە ڕاگەیاند.
بەپێی هەواڵی کوردپرێس، ناوەندی ڕاگەیاندنی هێزەکانی سووریای دیموکرات ڕایگەیاند، هێزەکانیان ئۆپەراسیۆنێکی ئەمنییان لە ناو شاری ڕەققە ئەنجامداوە و لە ئەنجامدا "عەبدولڕەزاق مەحموود زەبەکی"، کە نازناوی "ئەبوو خەتاب"ە و بەرپرسێکی داعشە لەو شارە، دەستگیر کراوە.
ئاماژەی بەوەش کرد، ئەو کەسەی دەستگیرکراوە بەرپرسی دابەشکردنی چەک و تەقەمەنی بووە بۆ شانەکانی داعش لە شاری ڕەققە و گوندەوارەکانی.
هەسەدە ڕاشیانگەیاند، "زەبکی" لە شاری بابەوە هاتووە و لە گەڕەکی کوردان لە بەشی باکووری ڕەققە نیشتەجێیە.
بۆچوونی بەکارهێنەران