۷ کەس لە ئەندامانی بنەماڵەی هەواڵنێری ئانادۆڵو لە بۆردوومانێکی ئیسرائیلدا گیانیان لەدەست دا/وێنە
پوختەی هەواڵ
بەشی تورکیا- لە بۆردوومانەکانی ئیسرائیل بۆ سەر کەرتی غەززە، کامێرامانی ئاژانسی ئانادۆڵو، چوار منداڵ و سێ برای گیانیان لەدەستدا.
بەپێی هەواڵی کوردپرێس، لە هێرشەکانی شەوی ڕابردووی سوپای ئیسرائیل، کەمپی ئاوارەکانی مەغازی ناوراستی کەرتی غەززە کرایە ئامانج و بە هۆیەوە ماڵی محەمەد عەلول کامێرامانی ئاژانسی ئانادۆڵو بە تەواوی خاپوور بوو.
لە هێرشەکەدا کامێرامانی ئاژانسی ئانادۆڵو محەمەد عەلول، چوار منداڵی خۆی و سێ برای گیانیان لەدەستدا و خێزان، یەک منداڵ و دایک و باوکی بریندار بوون.
بە پێی زانیارییەکان باری تەندروستی خێزانی عەلول خراپە و لە ژێر چاودێری چڕی پزیشکی دایە.
لە هێرشەکانی ئیسرائیل بۆ سەر کەمپی ئاوارەکانی مەغازی ٥١ کەس کوژراون کە زۆربەیان ژن و منداڵ بوون و بە دەیان کەسیش بریندار بوون.
گالەری وێنەکان
بۆچوونی بەکارهێنەران