وتەبێژی یەکێتی: دەبێت کورد خۆی لە گرژییەکانی ناوچەکە بەدوور بگرێت

پوختەی هەواڵ

بەشی عێراق و هەرێمی کوردستان- وتەبێژی یەکێتیی نیشتمانیی کوردستان رایگەیاند، دەبێت کوردەکان خۆیان لە گرژییەکانی ناوچەکە بەدوور بگرن.

بەپێی هەواڵی کوردپرێس، سەعدی ئەحمەد پیرە وتەبێژی یەکێتی نیشتمانی کوردستان لە کۆنگرەیەکی رۆژنامەوانیدا رایگەیاند، سبەینێ پارتی و یەکێتی کۆدەبنەوە و هەوڵی یەکخستنی نێو ماڵی کورد دەدەن و کاری لەپێشینەیان ئەوە دەبێت.

دەشڵێت، لە کۆبوونەوەکەیان لەگەڵ پارتی باسی کێشەکان دەکەین، ڕەوشی ئەمنی و سنوورەکان و کێشەکانی وەزارەتی پێشمەرگە تاووتوێ دەکەین.

ئاماژەی بەوەش کرد، کۆبوونەوەمان لەگەڵ پارتی ڕاسپاردەکانی کۆنگرەیە.

لەبارەی ڕەوشی ناوچەکەوە سەعدی پیرە دەڵێت، دەبێت کورد خۆی لە گرژییەکانی ناوچەکە بپارێزێت، چوونکە ناوچەکە لە کوڵاندایە.

#کوردپرێس #پارتی دیموکراتی کوردستان #یەکێتیی نیشتمانیی کوردستان #کورد #سەعدی ئەحمەد پیرە #فەلەستین #ڕۆژهەڵاتی ناوەڕاست #غەززە

زیاتر بخوێنەوە

هەواڵی پێشوو و داهاتوو