بەپێی هەواڵی کوردپرێس، محەمەد حەكیم وتەبێژی كۆمەڵی دادگەریی كوردستان، ڕایگەیاند: "ئێمە لە بەر ئەوەی خوازیاری ئاڵۆزی و ڕەد و ڕەدکاری نین و هەرێم و دانیشتوانەکەی کەم گرفتیان نییە، نەهاتین ئەم ڕەفتارە ناشرینە گەورە بکەین، جوانیش نییە بۆ پارتی رێگە بدات بەرپرسە باڵاکانی لێدوانی لەو ئاستە نزمە بدەن، کە خزمەت ناکات".

ناوبراو ڕاشیگەیاند، "ئێمە پێمان سەیرە لە ناو کورددا هەبێت ئاوا هاوئاوازی زایۆنیزم بێت و ڕقی لە دانیشتوانی مەزڵووم و بێکەسی غەزە بێت، ئەمما هاوسۆزی و پشتیوانی ئێمە بۆ دانشتیوانی غەزە هەڵقوڵاوی پابەندیمانە بە فەرمودەیەکی پێغەمبەری ئازیز کە دەفەرموێت: قال رسول الله ﷺ: (مثل المؤمنين في توادهم وتراحمهم وتعاطفهم مثل الجسد إذا اشتكى منه عضو تداعى له سائر الجسد بالسهر والحمى) کە کورتەکەی ئەوەیە مسوڵمانان دەبێت وەکوو یەک لاشە بن و ئازاری بەرانبەر بە هی خۆ بزانن".

ئاماژەی بەوەش دا، ئەمما هەرکەس تەنز و گاڵتە بە ئێمە دەکات، ئەوا تەنها دەڵێین: إِن تَسْخَرُوا مِنَّا فَإِنَّا نَسْخَرُ مِنكُمْ كَمَا تَسْخَرُونَ