بەپێی هەواڵی کوردپرێس، ڤلادمیر پووتین سەرۆکی ڕووسیا لە کۆنفرانسێکی رۆژنامەنووسیدا رایگەیاند، ئەو گەمارۆیەی ئیسرائیل خستوویەتییە سەر کەرتی غەزە کە دوو ملیۆن دانیشتووی هەیە جێگای قبووڵکردن نییە، پێویستە بیر لەو هاوڵاتییە فەلەستینیانەش بکرێتەوە کە بەهۆی گرژییەکانی ئیسرائیلەوە دەناڵێنن.

ناوبراو ئاماژەی بەوەش کرد، ئەنجامدانی ئۆپەراسیۆنی زەمنینی لەلایەن سوپای ئیسرائیلەوە لە کەرتی غەززە، دەبەێتە هۆی زیانگەیاندن بە خەڵکی سیڤیل، ئەوەش لە دوای ئەوەی سوپای ئیسرائیل داوای لە دانیشتوانی غەززە کرد، لە ماوەی ۲۴ کاتژمێری داهاتوو بەرەو باشوور و سنوورەکانی میسر کۆچ بکەن.

پووتین ئەوەشی خستەڕوو، بەکارهێنانی چەک قورس لەو ناوچای تایبەت بە نیشتەجێبوون سزای توند بە دوای خۆیدا دەهێنێت، جا بۆ هەر لایەنێک بێت.

ڤلادمیر پووتین باسی لەوەش کرد، ئەو کارەساتانەی ئێستا لە ئەنجامی سیاسەتی شکستخواردووی ئەمریکایە لە رۆژهەڵاتی ناوەڕاست، ئەو گەمارۆیەی خراوەتە سەر غەززە هاوشێوەی گەمارۆی نازییەکانە بۆ سەر شاری لینین گرادی ڕووسی.