سەرۆکی هەرێمی کوردستان دوو کێشەی گەورەی بەدەم هەناردەکردنەوەی نەوت ئاشکرا دەکات
پوختەی هەواڵ
بەشی عێراق و هەرێمی کوردستان- سەرۆكی هەرێمی كوردستان رایگەیاند دوو بەربەستی گەورە هەیە بۆ دەستپێكردنەوەی پڕۆسەی هەناردەكردنەوەی نەوتی هەرێم.
بەپێی هەواڵی کوردپرێس، نێچیرڤان بارزانی، سەرۆكی هەرێمی كوردستان لەمیانی پانێڵێكدا لە دیداری مێریی سەبارەت بە دەستپێكردنەوەی هەناردەكردنی نەوتی هەرێم رایگەیاند، توركیا ئامادەیی بۆ هەناردەكردنەوەی نەوتی هەرێم دەربڕیوە، بەڵام دوو بەربەست هەیە لەبەردەم پرۆسەكە كە یەكەمیان كێشەی پارەی كۆمپانیا نەوتییەكانە.
سەرۆكی هەرێم وتیشی: بەربەستی دووەم ئەوەیە دەبێت كۆمپانیای سۆمۆ لەگەڵ ئەو كۆمپانیایانە رێككەوتن بكات كە لەهەرێم كاردەكەن.
نێچیرڤان بارزانی ئاشكرای كرد، كە كێشەی هەناردەكردنەوەی نەوتی هەرێم لە توركیا نییە بەڵكوو لە بەغدایە.
بۆچوونی بەکارهێنەران