بەپێی هەواڵی کوردپرێس، مەزڵوم كۆبانێ فەرماندەی گشتیی هێزەكانی سووریای دیموكرات، لە پەیامێكدا دەڵێت: "بە هاوكاری و پاڵپشتیی گەلەكەمان لە دێرەزوور، هێزەكانمان لە چوارچێوەی هەڵمەتی بەهێزكردنی ئاسایش، ئۆپەراسیۆنی بەرقەراركردنی ئاشتی و دابین كردنی ئاسایش بۆ هاووڵاتیان بەردەوام دەبن".

ناوبراو دەشڵێت: "هەرچەندە دۆخەكە بەرەو ئەمن و ئارامی دەڕوات و ئاشتی كۆمەڵایەتیش لە سایەی پێكهاتەی عەشایەری و هەسەدە دەپارێزرێت، بەڵام توركیا و هاوپەیمانەكانی بەمەبەستی تێكدانی سەقامگیریی ناوچەكە ‌و ئیرادەی گەلەكەمان، هێرش دەكەنە سەر تەل تەمر و مەنبج".

كۆبانێ ئاماژەی بەوەشكرد لە ماوەی دوو رۆژدا پلانی رژێمی سووریامان ئاشكراكرد بۆ دەستبەسەرداگرتنی ناوچەكانمان.

فەرماندەی گشتیی هەسەدە ئەوەشی خستەڕوو توركیا لایەنگرەكانی هان‌داوە لەبەرەی منبجەوە هێرش بكەنە سەر ناوچەكانی ئێمە.