بەپێی هەواڵی کوردپرێس، ماتیۆ میلەر وتەبێژی وەزارەتی دەرەوەی ئەمریکا لە کۆنگرەیەکی ڕۆژنامەوانیی ڕۆژانە سەبارەت بەزیادبوونی بۆردوومانەکانی تورکیا بۆسەر ناوچەکانی کوردستانی سووریا ڕایگەیاند: "ئەمریکا هێشتا نیگەرانە لەپەرەسەندنی ڕادەی توندوتیژییەکان لە باکوور و ڕۆژهەڵاتی سووریا بەتایبەتی کاریگەرییەکانی لەسەر دانیشتوانی مەدەنی ‌و کاریگەرییەکانی لەسەر ئۆپەراسیۆنەکانمان بۆ دەستەبەرکردنی شکستی بەردەوامی داعش".

میلەر هەروەک وتی: "هەڵوێستمان لەسەر ئەوە نەگۆڕاوە، پاراستنی هێڵەکانی ئاگربەستی ئێستا بۆ زیادکردنی سەقامگیری لە سووریا و دۆزینەوەی چارەسەری سیاسیی بۆ ململانێکان، زۆر گرنگە هەموو لایەنەکان پارێزگاریی لە ناوچە ئارامەکان بکەن ‌و ڕێزیان لێبگرن".

ناوبراو جه‌ختی‌كرده‌وه‌: "ئێمە لەگەڵ تورکیا و لەگەڵ هاوبەشە ناوخۆییەکانی سووریا کاردەکەین بۆ دڵنیابوون لەسەلامەتی کارمەندانی ئەمریکی‌ و هێزە هاوبەشەکانمان‌ و هاوڵاتیانی مەدەنی".

میلەر ئه‌وه‌شى وت،  ئەوان هاوبەشیی بەرژەوەندییەکانی تورکیان لە کۆتایی‌هێنان بە ململانێکانی سووریا بەشێوەیەکی بەردەوام‌ و دەشڵێت: "ئێمە لەمبارەیەوە ڕاوێژی نزیکمان لەگەڵ تورکیا هەبووە و بەردەوامیش دەبین".