بەپێی هەواڵی کوردپرێس، سینەم محەمەد، نوێنەری ئەنجومەنی سووریای دیموکرات لە واشنتۆن لە لێدوانێکدا بە میدل ئیست مۆنیتۆری ڕاگەیاند کە کوردەکانی سووریا هیچ کات نەیانویستووە خاکی سووریا دابەش بکرێت بەڵکوو دەیانەوێت لە چوارچێوەی قەوارەی وڵاتی سووریا مافی خوێندن بە زمانی خۆیان و مافی فەرەهەنگی و سیاسیی خۆیان بەدەست بێنن.

 ناوبراو جەختیشی کردەوە کە کوردی سووریا قەد نەیویستووە وڵاتێکی سەربەخۆ دابمەزرێنێت.

نوێنەری ئەنجومەنی سووریای دیموکرات لە ئەمریکا ئەو ڕاپۆرتانەشی ڕەت کردەوە کە باس لە هەناردەی کرنی نەوتی سووریا دەکەن لەلایەن کوردەکانەوە چوونکە بە وتەی ناوبراو سووریا لەلایەن ئەمریکاوە سزای خراوەتە سەر و توانای هەناردە کردنی نەوتی نییە. سینەم محەمەد وتیشی ئەو نەوتە لە باکوور و باکووری ڕۆژهەڵاتی سووریا دەردەهێنرێت بۆ بەکار هێنانی ناوخۆیی تەرخان کراوە.

هەڵبەت سینەم محەمەد دانیشی بەوەدانا کە ناوچەی ژێر کونترۆڵی کوردەکانی  سووریا هەڵاوێر کراوە.

لەبارەی ئامادەبوونی ئەمریکا لە ناوچەی ژێر کونترۆڵی کوردەکانی سووریا، نوێنەری ئەنجومەنی سووریای دیموکرات لە واشنتۆن وتی: ئێمە نامانەوەێت ئەوان هەتاهەتایە لێرە بمێننەوە بەڵکوو تا ئەو کاتەی کوردەکان دەگەنە ڕێککەوتن لەگەڵ حکوومەتی ناوەندیی سووریا، بوونی هێزەکانی ئەمریکا پێویستە.