ئەندازیاری دروست کردنی درۆنەکانی PKK لە باکووری عێراق کوژرا
پوختەی هەواڵ
بەشی تورکیا- دەزگای هەواڵگریی تورکیا کوژرانی بەرپرسی یەکەی هێزی تایبەتی ئاسمانیی پەکەکەی لە ناوچەی گارە راگەیاند.
بەپێی هەواڵی کوردپرێس، ئاژانسی ئانادۆڵۆی تورکیا بڵاوی کردەوە: بەگوێرەی ئەو زانیارییانەی لە سەرچاوە ئەمنییەکانەوە بەدەست هاتوون، ئەو بەرپرسەی پەکەکە ناوی تەکین ئۆکان بووە و لە رێکخراوەکەدا ناوی خوازراوی "دەنیز بەحری"ی لێنراوە.
ئاژانسەکە ڕاشیدەگەیەنێت: لەو پەلامارانەدا کە پەکەکە/کەجەکە لە سووریا و عێراقەوە کردوویەتە سەر هێزە ئەمنییەکانی تورکیا، ئەو درۆنانە بەکارهێندراون کە لەلایەن دەنیز بەحریەوە دروست کراون.
تەکین ئۆکان لە ساڵی ٢٠١٠دا، چووەتە ناو ڕیزەکانی پەکەکە و لە ساڵی ٢٠١١دا چووەتە باکووری عێراق و دەستی بە پەرەدان بە پڕۆژەکانی دروست کردنی فڕۆکەی بێ فڕۆکەوان کردووە.
#تورکیا
#پەکەکە
#درۆن
#میتی تورکیا
#هەواڵگریی تورکیا
#فڕۆکەی بێ فڕۆکەوان
#دەنیز بەحری
#گاڕە
#تەکین ئۆکان
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران