حوکمی دەستبەسەرکردن و سزای 22 ساڵ زیندان بۆ لەیلا گیۆڤەن دەرکرا
پوختەی هەواڵ
کوردپرێس:
لە دانیشتنی دادگا سزا قورسەکانی ئامەد بەڕێوەچوو بۆ سکاڵای دژ بە لەیلا گیوڤەن خوێنرایەوەو لە سکاڵاکەدا بە "١٨ تاوان تاوانبار" کراوە، بەڵام گیوڤەن بەشداری دانیشتنەکەى دادگا نەبوو و پارێزەرەکانی سەردار چەلەبی و جەمیلە تورهالی بالساک بەشداری دانیشتنەکەى دادگا بوون.
داواکاری گشتی لە دانیشتنەکەدا تۆمەتەکانی "دامەزراندن و بەڕێوەبردنی رێکخستن"، "ئەندامبوون لە رێکخستن"، "هاندانی گەل بۆ کۆبوونەوە، خۆپیشاندان و رێپێوان لە دژی یاسا" و "بەشداریکردن لە رێپێوانی دژ بە یاسا" خستە پاڵ گیوڤەن.
دادگاکە داوای کرد سزای زیندانیکردنی بەسەردا بسەپێنرێت، دەستەى دادگاکەش بڕیاری دەستگیرکردن و سزای ٢٢ ساڵ و ٣ مانگی زیندانیی بەسەر لەیلا گیوڤەن دا سەپاند.
لە مانگى حوزەیرانى ئەمساڵ پەرلەمانی توركیا مافی پارێزبەندی لەیلا گیوڤەن هاوسەرۆكی كۆنگرەی كۆمەڵگەی دیموكراتیك (كەجەدە) و پەرلەمانتاری هەدەپەی جۆلەمێرگ و ژمارەیەک پەرلەمانتارى هاوڕێی سەندەوە.
بۆچوونی بەکارهێنەران