کوردپرێس:

عەدنان عوسمان، سکرتێری جڤاتی نیشتیمانیی گۆڕان و ئەندامی خانەی راپەڕاندن لە تویتێکدا لە تۆڕی کۆمەڵایەتیی تویتەر رایدەگەیەنێت؛ رێککەوتن لەگەڵ بەغدا چارەسەری کاتیی قەیرانەکان دەکات، بە پێچەوانەوە دەبێت هەنگاوی ئازایانە لە ناوخۆ بنرێت بۆ کۆکردنەوەی داهات و دابەشکردنی بەشێوەیەکی دادپەروەرانە.

عەدنان عوسمان، هەروەها نووسیویەتی:"بژاردەکان چین؟ لە ئەگەری رێکەوتن لەگەڵ بەغدا، چارەیێکی کاتیی قەیرانەکە دەکرێت".

ئه‌و سه‌ركرده‌یه‌ی بزووتنه‌وه‌ی گۆڕان، ئاماژە بەوەش دەکات، کە ئەگەر بێت و رێککەوتن نەکرێت، ئەوا دەبێت لە ناوخۆی هەرێم هەنگاوی راستگۆیانە و ئازایانە بنرێت بۆ کۆکردنەوەی سەرجەم داهات و دابەشکردنی بەشێوەیێکی دادپەروەدانە.

هەروەها دەشپرسێت، کە گەر ئەم ئیرادەیە نەبوو کە تا ئێستا نیە، دەبێ چیبکرێت؟ بژاردەی تر دەبێ چی بێت؟!.