شەڕ لە نێوان میلیشیاکانی سەربە تورکیا لە عەفرین ڕووی دا
پوختەی هەواڵ
بەشی سووریا- لە ناوچەى جندرێسی عەفرین، میلیشیاکانی سەر بە تورکیا و خەڵکی هێنراوی ‘غوتەى شەرقی’، بەربوونە یەکتر و دەوترێت لەو پێکدادانەی نێوانیاندا چەندین کەس کوژراون.
کوردپرێس:
بەپێی زانیاریی سەرچاوە خۆجێیەکان، ڕۆژی یەکشەمە 13ی کانوونی یەکەمی 2020 لە ناوچەى جندرێسی سەربە عەفرین ، میلیشیاکانی سەربە سوپای تورک و خەڵکی هێنراوی ‘غوتەى شەرقی’ بەربوونەتە یەکتر.
بەپێی هەمان سەرچاوە، لەو شەڕەدا، چەکی قورس بەکار هینراوە و میلیشیاکان ژمارەیێکیان لە یەکتر کوشتووە، ئاماژەش بەوە کراوە، کە میلیشیاکانی سەر بە دەوڵەتی تورکیا تانک و هێز بۆ ئەو ناوچەیە دەگوێزنەوە.
تا ئەم کاتەش بە فەرمی ئاماری کوژراو و بریندارانی ئەو ڕووداوە بە فەرمی ڕانەگەیێندراوە.
بۆچوونی بەکارهێنەران