ئەمەریکا سزای تورکیا دەدات
پوختەی هەواڵ
بەشی جیهان- ئاژانسی رۆیتەرز رایدەگەیەنێت؛ ئەمەریکا ئامادەکاری دەکات بۆ راگەیاندنی ژمارەیێک سزا بەسەر تورکیا.
بەپێی هەواڵی کوردپرێس، ئاژانسەکە لەزاری بەرپرسانی ئەمریکییەوە بڵاوی کردەوە، سزاکانی ئەمەریکا، بەهۆی کڕینی سیستمی بەرگریی ئێس-400 رووسیەوە دامەزراوە پیشەسازییەکانی بەرگریی تورکیا و سەرۆکی ئەو دامەزراوەیە دەگرێتەوە و تەنها راگەیاندنی ماوە.
رۆیتەرز ئاماژەی بەوەکردووە، سزاکانی ئەمەریکا لەچوارچێوەی یاسای رووبەڕووبوونەوەی رکابەرەکانی ئەمەریکا دەبێت کە ساڵی 2017 دەرچووە.
شایانی باسە بەهۆی کڕینی سیستمی بەرگریی ئێس -400ی رووسی لەلایەن تورکیاوە، پەیوەندییەکانی نێوان ئەنقەرە و واشنتۆن گرژی تێکەوتووە و لەکاردانەوەی ئەوەشدا ئەمەریکا بڕیاری بەشداریی تورکیای لە بەرنامەی پەیوەست بە فڕۆکەی ئێف -35 راگرت.
کۆدی هەواڵنێر: 60113
بۆچوونی بەکارهێنەران