لەبارەی خۆپیشاندانەکانی ھەرێمەوە باڵیۆزی بەریتانیا لە عێراق پەیامێکی بڵاو کردەوە
پوختەی هەواڵ
بەشی عێراق و هەرێمی کوردستان- باڵیۆزی بەریتانیا لە عێراق لە پەیامێکیدا، کە بەھۆی خۆپیشاندانەکانی ھەرێمەوە بڵاوی کردووەتەوە دەڵێت: "بەکارھێنانی چەک لەناخەوە ھەژاندمی".
بەپێی هەواڵی کوردپرێس، ستیفن ھیکی باڵیۆزی بەریتانیا لە عێراق لە پەیامێکدا داوا دەکات، دەسەڵاتی ئەمنی ھەرێم رێز لە خواستی خۆپیشاندانی ئاشتیانە بگرن، دەشڵێت: "راپۆرتی توندوتیژی و قوربانیەکانی سلێمانی و بەکارھێنانی چەک لەناخەوە ھەژاندمی".
ھاوکات، داواش لە خۆپیشاندەران دەکات بەشێوەیێکی ئاشتیانە خۆپیشاندان بکەن.
پێشتریش، نێردەی نەتەوە یەکگرتووەکان لە عێراق ئیدانەی توندوتیژیەکانی پارێزگاکانی ھەرێمی کردبوو و داواشی لە دەسەڵاتدارانی ھەرێم کردبوو ئازادی ڕادەربڕین و خۆپیشاندان بپارێزن، وتبووشی، "پێویستە رێگەبدرێت بە میدیاکان بە ئازادانە ھەواڵەکانیان روماڵ بکەن."
سەرچاوە: NRT
کۆدی هەواڵنێر: 60113
بۆچوونی بەکارهێنەران