لە دیالە سێ چەكداری داعش دەستگیر کران
پوختەی هەواڵ
بەشی عێراق و هەرێمی کوردستان- ئەمڕۆ یەكشەممە لەلایەن دەزگای ئاسایشی نیشتمانیی پارێزگای دیالەوە سێ چەكداری داعش لە سنووری باقووبە دەستگیر كراون.
کوردپرێس: لەمبارەوە، نیهاد محەمەد، گوتەبێژی پۆلیسی پارێزگای دیالە، بە باسنیوز-ی راگەیاندووە: "ئەمڕۆ یەكشەممە 27/9/2020، لە سنووری شاری "باقووبە"ی ناوەندی پارێزگای دیالە، سێ چەكداری داعش لەلایەن هێزەكانی دەزگای ئاسایشی نیشتمانیی پارێزگاکەوە دەستگیر كراون".
گوتەبێژی پۆلیسی پارێزگای دیالە گوتیشی: "ئەو چەكدارانە لە چوارچێوەی ڕێكخستنەوەی بەناو ویلایەتی دیالە هاتبوونە ناوچەكە، هاوكات پێشتر ناسراونەتەوە و لەلایەن دادگاوە داواكراو بوون".
نیهاد محەمەد راشی گەیاند: "بەپێی زانیارییەكان ئەو سێ چەكدارە لە چەندین كردەوەی تیرۆریستی لە ناوچەکە دەستیان هەبووە".
کۆدی هەواڵنێر: 60113
بۆچوونی بەکارهێنەران